բանաստեղծություններ
եգիպտական սիրավեպ
գրքից
ՋՈՆԱԹԱՆ ԼԻՎԻՆԳՍՏՈՆ ՃԱՅԸ
...երբ խոյահարում ես ծովը,
դողդղում եմ՝ ասես սիրտը ձկան,
և երբ քնեմ,
քնեմ երբևէ,
ծածկիր ինձ քո
անհնազանդ փետուրներով:
ՊԱՐԻ ՀՐԱՎԵՐ
ՕՐ. էՄԻԼԻ ԴԻՔԵՆՍՈՆԻՆ
Կյանքը՝ սեզերում քամոտ շատրվան,
մրջնանոցի միջանցքում խռիվ
երանությունս ունի անկեղծ համ,
կտա՞ս ինձ, քամի,
թափանցիկ թևեր.
Մրջյուն-Թագուհուն պարի հրավեր,
պարը՝ եթերում քամոտ շատրվան,
չափ էր տալիս մի
զնգուն վախճան:
***
Ընկղմիր ձայնդ ստվերում ջրի.այդպես ընտրում է գույնը աչքերի
նա, ով ինքն իրեն ընդառաջում է
ծնվել վերստին:
***
Եվ ջուրը ջուրն է՝ աշխարհ պղպջուն.դու դելֆիններին արնակից ես, քո՛ւյր,
նախանշվում է վտառների չուն.
մայրցամաքային կյանքից հոգնել եմ...
***
Ձկնորսությունը երկմիտ ձեռնարկ է,-թպրտան ձկների
կողովում.
ես...
***
...նվաղուն ձկնալող երակներիսջրանցքով,
որ թախիծ է ծնում ու
ճերմակող արյուն...
...ու կյանքից էլ շատ
ապրել եմ ուզում:
***
Այրվող հացենիների հոկտեմբերըհոգեվարք է հրաշագեղ.
ամեն ընկնող տերևին
անունս է գրված...
Комментариев нет:
Отправить комментарий